Fréttir

Fræðsluerindi 15. mars kl. 20

Dr. Hjalti Hugason flytur erindi á fræðslukvöldi í Glerárkirkju næskomandi miðvikudag 15. mars kl. 20: Sístæð siðbót og frelsishugsjónir nútímans: Á þjóðkirkjan að berjast fyrir mannréttindum? Í erindinu eru hugmyndir samtímans um mannréttindi skoðaðar út frá sjónarhorni lúthersku þjóðkirkjunnar. M.a. verður spurt hvort þjóðkirkjan eigi að tala máli mannréttinda og hvernig almenn mannréttindabarátta geti samrýmst kenningum og starfi kirkjunnar? Hjalti Hugason er prófessor í kirkjusögu við Guðfræði- og trúarbragðafræðideild Háskóla Íslands.

Æskulýðsdagurinn í Glerárkirkju - 12. mars

Sunnudagurinn 12. mars er æskulýðsdagur í Glerárkirkju þá verður fjölskylduguðsþjónusta kl. 11. Þar þjónar Sr. Jón Ómar Gunnarsson ásamt Eydísi Ösp Eyþórsdóttur, sem flytur hugvekju. Barna ? og æskulýðskór kirkjunnar leiða söng í guðsþjónustunni. Kvöldguðsþjónusta verður kl. 20.

Samhygð - 9. mars í Akureyrarkirkju

Ástin, drekinn og dauðinn: Vilborg Davíðsdóttir, rithöfundur og þjóðfræðingur, flytur fyrirlestur á vegum Samhygðar, samtaka um sorg og sorgarviðbrögð, í Safnaðarheimili Akureyrarkirkju 9. mars nk. kl. 20.

Fræðslukvöld 8. mars í Glerárkirkju

Dr. María Ágústsdóttir, prestur, er ræðumaður á fræðslukvöldi kl. 20. Hún fjallar um efnið: Þjóðkirkjan og aðrar kirkjur og trúarbrögð, hver er staða hennar í fjölhyggjusamfélagi?

Helgihald sunnudaginn 5. mars

Sunnudaginn 5. mars verður messa og sunnudagaskóli í Glerárkirkju. Sr. Gunnlaugur Garðarsson þjónar og kór Glerárkirkju syngur undir stjórn Valmars Väljaots.

Fræðslukvöldin byrja um siðbót í nútímanum 1. mars

Fyrsta fræðslukvöldið verður á miðvikudaginn 1. mars kl. 20 undir yfirskriftinni Sístæð siðbót í nútímanum. Efni kvöldsins verður Samfélagsþróunin og trúarlífið: Hvað er framundan? Í erindinu mun Rúnar Vilhjálmsson fara yfir stöðu og þróun trúarlífs í samfélaginu í ljósi hugmynda um nútímavæðingu og veraldarhyggju. Þá er fjallað um rannsóknir og niðurstöður um þróun trúarlífs á Íslandi og niðurstöður túlkaðar í ljósi fræðilegrar umræðu. Loks verður fjallað um framtíðarhorfur trúarlífs og trúarstofnana á Íslandi.

Helgihald sunnudaginn 26. febrúar

Messa og barnastarf kl. 11. Sr. Jón Ómar Gunnarsson þjónar og predikar. Kór Glerárkirkju leiðir söng undir stjórn Valmars Väljots.

Samvera eldri borgara á fimmtudaginn 16. febrúar.

Samvera fyrir eldri borgara verður fimmtudaginn 16. febrúar í Glerárkirkju. Gestur samverunnar verður Ólafur B. Thoroddsen, kennari og landfræðingur. Umsjón með samverunni hefur sr. Jón Ómar Gunnarsson.

Sunnudagurinn 19. febrúar

Helgihaldið þann 19. febrúar verður sem hér segir.

Sunnudagurinn 12. febrúar

Helgihald sunnudaginn 12. febrúar verður með hefðbundum hætti í kirkjunni kl. 11, einnig verður guðsþjónusta á Hlíð kl. 14.