Fréttir

Mótorhjólafólk mætir í guðsþjónustu á sunnudagskvöldið

Á sunnudagskvöldið verður guðsþjónusta kl. 20. Sr. Arna Ýrr Sigurðardóttir þjónar og Krossbandið leiðir söng. Mótorhjólafólk tekur þátt í stundinni með ritningarlestrum og tónlistarflutningi. Mótorhjólafólk hvatt til að koma til kirkju á hjólum sínum. Allir velkomnir. 

Messa í Lögmannshlíðarkirkju sunnudaginn 20. maí

Næsta sunnudag verður messa í Lögmannshlíðarkirkju kl. 14. Sr Gunnlaugur Garðarsson þjónar, Kór Glerárkirkju syngur undir stjórn Valmars Väljaots. Allir velkomnir. 

Mótorhjólafólk mætir í guðsþjónustu á sunnudagskvöldið

Sunnudaginn 20. maí kl. 20 verður kvöldguðsþjónusta í Glerárkirkju. Hún verður með þátttöku mótorhjólafólks sem mun lesa ritningarlestra og flytja tónlist. Sr. ARna Ýrr Sigurðardóttir þjónar og Krossbandið leiðir söng. Allir eru velkomnir og er mótorhjólafólk hvatt til að fjölmenna á hjólum til guðsþjónustunnar. 

Hvað vilt þú að ég geri fyrir þig?

Þau sem ekki áttu heimangengt síðasta sunnudag geta nú lesið prédikun sr. Örnu Ýrrar Sigurðardóttur á trú.is en hún sagði m.a.: Jesús gerði sér grein fyrir margbreytileika okkar mannanna. Hann dró fólk ekki í dilka, heldur mætti hverjum og einum þar sem hann eða hún var.„Hvað viltu að ég geri fyrir þig?“ segir hann oftar en einu sinni þegar hann mætir fólki. Lesa prédikun á trú.is.

Uppstigningardagur - dagur aldraðra í kirkjunni

Á uppstigningardag verður messa kl. 11 í Glerárkirkju. Sr. Arna Ýrr þjónar, en sr. Haukur Ágústsson mun prédika. Karlakór Akureyrar- Geysir, syngur undir stjórn Valmars Väljaots. Að messu lokinni verður boðið upp á léttan hádegisverð í safnaðarheimilinu. Allir velkomnir.

Kjör til vígslubiskups að Hólum

Á vef þjóðkirkjunnar er að finna upplýsingasíðu varðandi vígslubiskupskjör. Smellið hér.

Æskulýðsnefnd þjóðkirkjunnar skipuð

Kirkjuráð hefur nú skipað í nýja æskulýðsnefnd. Í henni eiga sæti fulltrúar úr öllum prófastsdæmum ásamt aðilum frá ÆSKÞ og Biskupsstofu. Formaður nefndarinnar er Pétur Björgvin Þorsteinsson, djákni í Glerárkirkju. Sjá nánar á kirkjan.is.

Sunnuból sýnir í Glerárkirkju

Það verður mikið um dýrðir hjá "afmælisbarninu" og skólabænum Akureyri 7.–21. maí þegar nemendur í leik- og grunnskólum bæjarins sýna afrakstur vetursins á Uppskeruhátíð leik- og grunnskólanna. Verkin verður að finna víðs vegar um bæinn eða á hátt í tuttugu stöðum og má sem dæmi nefna að leikskólinn Tröllaborgir sýnir á Bláu könnunni, Oddeyrarskóli í Flugstöðinni, leikskólinn Sunnuból sýnir í Glerárkirkju og Glerárskóli sýnir í Lystigarðinum og á Icelandair Hotel. Sjá nánar á akureyri.is.

Helgihald í Glerárkirkju sunnudaginn 13. maí

Messa kl. 11. Sr. Arna Ýrr Sigurðardóttir þjónar, Kór Glerárkirkju leiðir almennan söng. Allir velkomnir.

Birtingamyndir ofbeldis

Jafnréttisstofa, Rannsóknamiðstöð gegn ofbeldi og Háskólinn á Akureyri bjóða upp á ráðstefnu um birtingamyndir ofbeldis-afleiðingar og úrræði í HA föstudaginn 11. maí nk. Dagskrá ráðstefnunnar er metnaðarfull en leitast var við að fá framsögufólk og sérfræðinga af ólíkum sviðum samfélagsins til að fjalla um aðkomu þeirra, rannsóknir og helstu þætti sem skoða þarf til að auka þekkingu og úrræði í þessum málaflokki. Sjá nánar á http://www.unak.is/radstefnur.