Fréttir

Fundir með foreldrum fermingarbarna

Prestar kirkjunnar hafa boðað foreldra fermingarbarna til funda í safnaðarheimili kirkjunnar sunnudagskvöldin 21. og 28. nóvember.

Ljósmyndasýning í Glerárkirkju

Þessa dagana stendur yfir ljósmyndasýning í Glerárkirkju á 20 myndum eftir Kristjönu Agnarsdóttur áhugaljósmyndara. Myndirnar eru úr ýmsum áttum en margar þeirra eru teknar í kirkjugörðum eða innihalda trúartákn. Sýningarskrá liggur frammi í anddyri kirkjunnar.

Traust

Í pistli dagsins á trú.is skrifar Pétur Björgvin djákni um traust: Þarna var Jesús mættur, holdi klæddur og snæddi með þeim morgunverð. ... Lesa pistil á trú.is.

Heimsóknir í Glerárkirkju á aðventu 2010

Á aðventu 2010 stendur hópum frá félagasamtökum, vinnustöðum, úr leikskólum og skólum sem fyrr til boða að taka þátt í skipulagðri dagskrá í Glerárkirkju. Tekið er á móti hópum frá föstudeginum 3. desember og fram til fimmtudagsins 16. desember.

Hvert stefnir kirkjan?

Á mánudagskvöldið 11. október kl. 20:00 verður fyrsta erindið í röð erindi undir fyrirsögninni: Fylgjum kindagötunni fyrst hún er þarna. Hvert er þjóðkirkjan að fara? Ræður stefnumótun eða stefnuleysi?Framsögumaður verður sr. Jón A. Baldvinsson, vígslubiskup á Hólum í Hjaltadal.

Söfnunarátak: Vatnsverkefni Hjálparstarfs kirkjunnar

Fermingarbörn úr Glerárkirkju munu ganga í hús í sókninni þriðjudaginn 2. nóv., miðvikudaginn 3. nóv. og fimmtudaginn 4. nóv., hvern dag frá 17:30 til 21:00. Sjá nánar í frétt á vef prófastsdæmisins.

Fjölskylduguðsþjónusta

Tónlist, söngur og sögur eru á dagskrá fjölskylduguðsþjónustunnar í Glerárkirkju 31. október kl. 11:00. Hópur nemenda úr Giljaskóla kemur í heimsókn og leikur á Marimba hljóðfæri.

Góð viðbrögð við umræðukvöldunum

Síðustu mánudagskvöld hafa staðið yfir umræðukvöld í Glerárkirkju þar sem framsögufólk hefur rætt stefnumál kirkjunnar. Að loknu hverju kvöldi hafa helstu atriði úr erindum kvöldsins verið tekin saman í stutt myndbönd og þau birt á netinu þeim sem ekki áttu heimangengt á viðkomandi kvöldum til fróðleiks.

Barnakórinn

Foreldrum barna í Barnakór Glerárkirkju er bent á að mánudaginn 24. október er engin æfing, en þann dag eru skólarnir í vetrarfríi. Hins vegar er mikilvægt að hafa í huga að kórinn kemur fram í fjölskylduguðsþjónustu 31. október næstkomandi og mikilvægt að öll börnin mæti þangað. Nánari upplýsingar gefur Hjördís Eva kórstjóri, hjordis@glerarkirkja.is 

Landsmót æskulýðsfélaga

Landsmót æskulýðsfélaga þjóðkirkjunnar hefur staðið yfir um helgina á Akureyri. Lesa má nánar um mótið á kirkjan.is: Vilja frelsa eitt þrælabarn fyrir hverja götu á Akureyri Hendur Guðs til góðra verka í heiminum - landsmótið sett Unglingar sem ætla að breyta heiminum - söfnun á Glerártorgi Félagar úr æskulýðsfélaginu Glerbrot voru að sjálfsögðu á staðnum ásamt leiðtogunum sínum, þeim Samúel Erni og Stefaníu Ósk. Mótinu lýkur í dag sunnudag með guðsþjónustu kl. 11:00 í Akureyrarkirkju.