Fréttir

Það er áfram hátíð í kirkjunni þinni! Næstu helgi verða tvær fermingarmessur í Glerárkirkju laugardaginn 18. apríl og sunnudaginn 19. apríl kl. 13.30. Á laugardaginn verða 10 ungmenni fermd og á sunnudaginn verða 11 ungmenni fermd. Prestar kirkjunnar, sr. Gunnlaugur Garðarsson og sr. Jón Ómar Gunnarsson, þjóna fyrir altari og kór Glerárkirkju syngur undir stjórn Valmars Väljaots. Sunnudagaskólinn verður kl. 11 í kirkjunni og leiðir Sunna Kristrún, djákni, samveruna ásamt leiðtogum.

Æfingar vegna ferminga 18. og 19. apríl verða föstudaginn 17. apríl. Þau sem fermast 18. apríl mæta þá á fermingaræfingu kl. 15 og þau sem fermast þann 19. apríl mæta kl. 16:30. Það er mikilvægt að allir mæti og taki þátt í æfingunni. Athugið að á æfingunni á að greiða 1.200 kr. í fermingarkirtlagjald, sem rennur til Kvennfélagsins og valfrjálst 1.800 kr. gjald vegna ljósmyndara sem tekur myndir í athöfninni.

Um liðna helgi fermdust fyrstu fermingarbörnin í Glerárkirkju þetta vor. Þann 11. apríl fermdust 20 ungmenni og þann 12. apríl fermdust 9 ungmenni. Þau eru glæsilegir fulltrúar jafnaldra sinna og hafa staðið sig virkilega vel í vetur.

Nú eru Gleðidagar í kirkjunni og þá gleðjumst við yfir páskaboðskapnum "Kristur er upprisinn, Kristur er sannarlega upprisinn." Um helgina verða tvær fermingarmessur í Glerárkirkju laugardaginn 11. apríl og sunnudaginn 12. apríl kl. 13.30. Prestar kirkjunnar, sr. Gunnlaugur Garðarsson og sr. Jón Ómar Gunnarsson, þjóna fyrir altari og kór Glerárkirkju syngur undir stjórn Valmars Väljaots.

Fræðslukvöld í Glerárkirkju. Miðvikudaginn 8.apríl kl. 20. Kraftaverk Nýja Testamentisins. Finnst nokkuð sambærilegt á nýliðnum öldum? Dr. Erlendur Haraldsson, prófessor emeritus. Allir velkomnir. Umræður og kaffihlaðborð.

Fimmtudagur 2. apríl - Skírdagur Kvöldmessa kl. 20:30. Sr. Jón Ómar Gunnarsson þjónar. Kór Glerárkirkju syngur undir stjórn Valmars Väljaots. Föstudagur 3. apríl - Föstudagurinn langi Messa kl. 11. Sr. Gunnlaugur Garðarsson þjónar. Kór Glerárkirkju syngur undir stjórn Valmars Väljaots. Margrét Árnadóttir syngur einsöng. Íhuganir við krossinn kl. 14. Dr. Einar Sigurbjörnsson, prófessir emeritus, fjallar um sr. Hallgrím Pétursson og guðfræði krossins. Helgistund og kaffiveitingar. Laugardagur 4. apríl. Páskavaka kl. 23. Sr. Gunnlaugur Garðarsson þjónar. Sunnudagur 5. apríl ? Páskadagur Hátíðarmessa kl. 9. Sr. Gunnlaugur Garðarsson þjónar. Kór Glerárkirkju syngur undir stjórn Valmars Väljaots. Morgunverðarhlaðborð í boði eftir messuna. Sunnudagaskóli kl. 11. Sunna Kristrún Gunnlaugsdóttir, djákni, leiðir stundina. Mikill söngur og gleði. Foreldrar og börn hjartanlega velkomin. Mánudagur 6. apríl ? Annar dagur páska Fyrirbænarguðsþjonusta kl. 20:30. Sr. Gunnlaugur Garðarsson þjónar. Krossbandið leiðir almennan söng.

Fjölskylduguðþjónusta kl. 11. Sr. Gunnlaugur Garðarsson og Sunna Kristrún Gunnlaugsdóttir þjóna. Barna- og æskulýðskór Glerárkirkju leiðir söng undir stjórn Margrétar Árnadóttir og Rósu Tómasdóttur. Foreldrar og börn hjartanlega velkomin. Kvöldmessa kl. 20.30 Sr. Gunnlaugur Garðarsson þjónar og kór Glerárkirkju syngur undir stjórn Valmar Väljaots.

Messa kl. 11.00. Sr. Jón Ómar Gunnarsson þjónar. Kór Glerárkirkju leiðir söng undir stjórn Valmars Väljaots. Sunnudagskóli kl. 11.00 Foreldarar og börn hjartanlega velkomin. Sunna Kristrún Gunnlaugsdóttir, djákni, leiðir ásamt leiðtogum. Sameiginlegt upphaf í messu

Héraðsfundi Eyjafjarðar ?og Þingeyjarprófastsdæmis, sem halda átti laugardaginn 14. mars Glerárkirkju hefur verið frestað vegna slæmrar veðurspár. Nýr fundartími verður auglýstur síðar.

Messa kl. 11.00 Sr. Jón Ómar Gunnarsson þjónar. Kór Glerárkirkju leiðir söng undir stjórn Valmars Väljaots. Sunnudagskóli kl. 11.00 Foreldrar og börn velkomin. Sunna Kristrún Gunnlaugsdóttir, djákni, leiðir ásamt leiðtogum. Sameiginlegt upphaf messu. Kvöldmessa kl. 20.30 Sr. Jón Ómar Gunnarsson þjónar og Krossbandið leiðir söng.