Fréttir

Maike Schäfer hefur verið sjálfboðaliði í Glerárkirkju og á leikskólanum Síðuskóla frá því í lok ágúst á síðasta ári. Verkefnið er styrkt af Evrópu Unga Fólksins, en Glerárkirkja hefur verið viðurkenndur móttökuaðili innan Evrópu Unga Fólksins frá því á árinu 2005. Við báðum Maike að segja aðeins frá dvöl sinni. (English below)

Almennur félagsfundur verður í kvenfélaginu Baldursbrá næstkomandi fimmtudagskvöld kl. 19:30. Sérstakur gestur fundarins verður Valgerður Jónsdóttir hjúkrunarfræðingur. Félagskonur eru hvattar til að fjölmenna. Nýir félagar velkomnir.

Bernharður Wilkinson stjórnaði Föroyjar LandsOrkestur - blásarasveit ungmenna og kennara þeirra frá Færeyjum í fjölskylduguðsþjónustu í Glerárkirkju 3. apríl 2011. Hér að ofan er upptaka af stærstum hluta þess sem þau léku, en fyrri hlutann má finna með því að smella á áfram!

Fastur þáttur í starfi Kórs Glerárkirkju er að syngja við messur á Dvalarheimilunum Hlíð og Kjarnalundi. Þann 20. mars síðastliðinn var Messa á Hlíð þar sem Séra Arna Ýrr Sigurðardóttir þjónaði  og félagar úr kór sungu við undileik Valmars Väljaots.  Að vanda var þetta mjög ánægluleg heimsókn. Okkur kórfélögum finnst alltaf gott að koma á Hlíð, hitta íbúa þar og þiggja kaffi og meðlæti eftri messu. Við þökkum kærlega fyrir okkur.

Fóroyar Landsorkestur sem er blásarasveit unglinga frá Þórshöfn í Færeyjum er sérstakur gestur í fjölskylduguðsþjónustu í Glerárkirkju næstkomandi sunnudag, 3. apríl kl. 11:00. Sveitin mun hefja leik kl. 10:45 fram að guðsþjónustu kl. 11:00, taka tvö lög í guðsþjónustunni sjálfri og leika lokalagið.

Jóhannesarpassían eftir Johann Sebastian Bach verður flutt í Hallgrímskirkju Reykjavík og Menningarhúsinu Hofi Akureyri 1.-3. apríl 2011. Þetta er eitt af meginverkum tónlistarsögunnar. Flytjendur eru Mótettukór Hallgrímskirkju, Alþjóðlega barokksveitin í Den Haag og glæsilegur hópur ungra íslenskra einsöngvara undir stjórn Harðar Áskelssonar, kantors Hallgrímskirkju. Tónleikarnir á Akureyri eru til minningar um Áskel Jónsson sem var organisti í Lögmannshlíðarsókn frá 1945 til 1987. Sjá nánar: kirkjan.is - menningarhus.is - N4.is

Fermingarbörn úr Glerárkirkju tóku þátt í söfnun til styrktar Hjálparstarfinu í Úganda í vetur ásamt fjölda fermingarbarna víðsvegar á landinu. Söfnunin gekk vel. Nú hefur borist kveðja frá Úganda þar sem að Charity sem var ein þeirra sem heimsótti fermingarbörn á Íslandi sendir kveðju. En félagi hennar heimsótti fermingarbörn í Glerárkirkju.

Innlegg á umræðukvöldi 28. mars 2011

Á trú.is má nú lesa pistil sem sr. Dalla Þórðardóttir prófastur í Húnavatns- og Skagafjarðarprófastsdæmi flutti á þjóðgildakvöldi fyrir viku síðan. Þar sagði hún meðal annars: Á undanförnum misserum voru þau mörg sem voru yfirkomin af græðginni, vitleysunni, blekkingunni. En við vildum ekki hlusta.Það var verið að reyna að hreinsa og snúa á réttan veg aftur.En nú erum við fleiri farin að hlusta á þessar raddir og því eins var Þjóðfundurinn haldinn. Við erum á leiðinni.  Lesa áfram á trú.is

Fermingar nálgast í Glerárkirkju. Fyrri foreldrafundurinn til undirbúnings athafnanna var haldinn í dag, sunnudaginn 27. mars. Seinni foreldrafundurinn verður svo haldinn sunnudaginn 3. apríl að fjölskylduguðsþjónustu lokinni. Foreldrar og forráðafólk sem náði ekki að mæta í dag er hvatt til að mæta að viku liðinni. Hér á vefnum má nálgast ýmsar upplýsingar um fermingar í Glerárkirkju.