Fréttir

Söfnun fyrir hjálparstarf kirkjunnar

Söfnunin "Mér er ekki sama" verður send út í beinni útsendingu frá Hofi föstudagskvöldið 16. desember kl. 20. Gestir og gangandi eru velkomnir í salinn. Enginn aðgangseyrir en tekið verður á móti frjálsum framlögum sem renna óskipt til Hjálparstarfs kirkjunnar. Sjá nánar á menningarhús.is og á help.is

Fjórði sunnudagur í aðventu í Glerárkirkju

Sunnudagurinn 18. desember er fjórði sunnudagur í aðventu. Þann dag er mikið um dýrðir í Glerárkirkju. Klukkan ellefu er fjölskylduþjónusta með fjölbreyttri dagskrá og gengið í kringum jólatréð í lokin. Klukkan fjögur eru jólatónleikar Kórs Glerárkirkju og kórs eldri borgara ,,Í fínu formi" Við í Glerárkirkju vonumst til þess að sjá ykkur sem flest. Þá minnum við einnig á aðventusamveru eldri borgara, föstudaginn 16. desember klukkan þrjú.

Á Aðventu

Dagurinn styttist óðum og skammdegið ræður ríkjum. Hátíð ljós og friðar er skammt undan. Aðventan er hafin. Margir farnir að lýsa upp og skreyta híbýli sín með jólaljósum. Það er tilhlökkun í loftinu, jólaundirbúningur er að fara í fullan gang. Jólagjafainnkaupin eru sjálfsagt byrjuð hjá mörgum og margir að reyna að uppfylla óskir.

Jólastund á foreldramorgni í dag

Jólalög og jólastemmning verða ríkjandi í dag á foreldramorgni í Glerárkirkju frá 10:00 til 12:00. Þetta er síðasta samveran fyrir jól, en foreldrarmorgnar halda áfram á nýju ári. Fyrsta samvera 2012 verður fimmtudaginn 12. janúar.

Alþjóðleg jól í Rósenborg, 17. desember kl. 14:30 til 17:00

Við í Glerárkirkju hvetjum unga sem aldna til þess að fjölmenna á alþjóðlega jólahátíð sem verður haldin laugardaginn 17. desember frá 14:30 til 17:00 á efstu hæðinni í Rósenborg. Hægt verður að upplifa hvernig jólin hljóma, bragðast og hvaða hefðir tíðkast á öðrum stöðum í heiminum um jólahátíðina. Í boði verður andlitsmálning, börnin geta búið til jólaskraut og hjálpast að við að skreyta jólatréð. Skoða auglýsingu (PDF-skjal).

Neyð og óréttlæti kalla á aðgerðir

Óháð og sjálfstætt vinnur Hjálparstarf kirkjunnar í þágu þeirra sem líða fátækt og óréttlæti - utanlands og innan. Að hjálpa til sjálfshjálpar og tala máli fátækra og undirokaðra er alltaf verkefni dagsins. Að draga fram kjör þeirra sem eiga sér ekki málsvara og ýta á aðgerðir sem breyta lífsmöguleikum þeirra, er markmið okkar.

Helgihald í Glerárkirkju um jólin

Í Glerárkirkju verður að venju fjölbreytt helgihald um jólin. Á aðfangadag verður aftansöngur kl. 18:00. Sr. Arna Ýrr Sigurðardóttir þjónar og Kór Glerárkirkju syngur undir stjórn Valmars Väljaots. Miðnæturmessa verður kl. 23:00. Sr. Gunnlaugur Garðarsson þjónar ásamt Pétri Björgvin Þorsteinssyni, djákna. Á jóladag verður hátíðarguðsþjónusta kl. 14:00. Sr. Gunnlaugur Garðarsson þjónar og Kór Glerárkirkju syngur. Á annan dag jóla verður fjölskylduguðsþjónusta kl. 13:00. sr. Arna Ýrr Sigurðardóttir og Pétur Björgvin Þorsteinsson, djákni leiða stundina, börn flytja helgileik og kór kirkjunnar leiðir söng. 

RÚV segir frá jólakortasýningu Glerárkirkju

Í fréttum RÚV er talið niður til jóla. Þegar 12 dagar voru til jóla sýndi RÚV frá jólakortasýningu í Glerárkirkju, en sýningin verður opin fram í janúar í kringum athafnir í kirkjunni. Horfa á frétt á RÚV.

Jólasamvera eldri borgara

Í ár verður jólasamvera eldri borgara föstudaginn 16. desember kl. 15:00. Níels Árni Lund, skrifstofustjóri verður gestur samverunnar. Hann er mikilvirkur gamanvísnasöngvari og hefur gefið út geisladisk með eigin textum við þekkt lög. Einnig hefur hann gefið út bókina Af heimaslóðum sem segir frá lífi fólksins á Melrakkasléttu auk þess sem hann vinnur að annarri bók um sama svæði. Níels Árni mun flytja jólahugvekju auk þess sem hann mun taka lagið og flytja skemmtilegan fróðleik.

Brautryðjandinn - viðtal við höfund bókarinnar

Nýverið tóku Skálholtsútgáfan og Glerárkirkja höndum saman og buðu upp á bókakaffi í Glerárkirkju þar sem Óskar Guðmundsson sagði frá nýútkominni bók um Þórhall Bjarnarson, biskup. Þeim sem komust ekki þetta kvöld er bent á viðtal sem Hilda Jana á N4 tók við Óskar og má skoða hér fyrir neðan.