Óháð og sjálfstætt vinnur Hjálparstarf kirkjunnar í þágu þeirra sem líða fátækt og
óréttlæti - utanlands og innan. Að hjálpa til sjálfshjálpar og tala máli fátækra og undirokaðra er alltaf verkefni dagsins. Að
draga fram kjör þeirra sem eiga sér ekki málsvara og ýta á aðgerðir sem breyta lífsmöguleikum þeirra, er markmið okkar.
Þrúgandi neyð í sinni margslungnu mynd, heima og heiman, blasir við okkur. Með aðgerðum okkar viljum við mæta bæði þorpsbúanum
á þurrkasvæðum Eþíópíu eða þeim sem hefur misst fótana á Íslandi. Við vinnum MEÐ
skjólstæðingum að lausn mála þeirra. Við virkjum þá til að ná árangri - með stuðningi okkar. Og hver erum við? Hvorki
fugl né fiskur án framlaga almennings, fyrirtækja og stjórnvalda sem gera okkur kleift að nýta sérþekkingu okkar til árangurs á
viðkvæmu og sérhæfðu sviði. Með þeim stuðningi - erum við farvegur þinn til árangursríkra verkefna. Þú getur
lesið meira um starfið á heimasíðunni okkar:
www.help.is.
