Fréttir

Rúmlega 100 íslensk ungmenni taka nú þátt í Evrópuhátíð KFUM í Prag í Tékklandi. Þar á meðal er hópur frá sameiginlegu æskulýðsstarfi Glerárkirkju og KFUM og K í Sunnuhlíð.

Samverustund verður miðvikudagskvöldið 7. ágúst kl. 20. í Glerárkirkju v. flugslyss í Hlíðarfjalli. Allir eru velkomnir.

Veturinn 2012 til 2013 var Glerárkirkja í samstarfi um unglingastarf við KFUM og KFUK á Akureyri - UD Glerá. Afrakstur þess samstarfs er meðal annars sá að þessa dagana er tæplega 20 manna hópur staddur í Prag í Tékklandi þar sem þau taka þátt í Evrópuhátíð KFUM. Fararstjóri hópsins frá Akureyri er Jóhann H. Þorsteinsson, sviðsstjóri á æskulýðssviði KFUM og KFUK á Íslandi. Ferðin til Prag gekk vel og í dag hafði hópurinn tíma til að kynna sér borgina áður en dagskráin hefst af fullum krafti á morgun, sunnudag. Hópurinn er svo væntanlegur til Akureyrar aftur mánudagsmorguninn 12. ágúst.

Kvöldhelgistund verður í Glerárkirkju kl. 20:30. Sumarþema. Krossbandið leiðir söng og prestur er Sr. Arna Ýrr Sigurðardóttir. Allir eru velkomnir.

Verkefnið Snow and sun - boring or fun, sem var styrkt af Evrópu unga fólksins árið 2011, var valið fyrirmyndaverkefni af samtökunum. Á þriðjudaginn var tók Klaudia Migdal, sem tók einmitt þátt í verkefninu sem fyrrverandi sjálfboðaliði í Glerárkirkju, við viðurkenningu fyrir hönd kirkjunnar.

Þetta árið heldur Kór Glerárkirkju tónleika í samvinnu við kammerkór frá Eistlandi sem heitir Vanalinna Segakoor. Tónleikarnir eru fimmtudaginn 30.maí kl. 20.00

Nú eru myndirnar sem ljósmyndarinn tók í fermingum vorsins komnar í hús. Við munum dreifa þeim í skólunum á föstudaginn kemur. Hér er hægt að skoða hópmyndirnar. Einstaklingsmyndirnar er hægt að fá á tölvutæku formi með því að senda sr. Örnu Ýrr póst á arna@glerarkirkja.is

Messað verður í Glerárkirkju á sjómannadaginn kl. 11. Sr. Gunnlaugur Garðarsson þjónar, Kór Glerárkirkju syngur. Að messu lokinni verður lagður blómsveigur að minnisvarða við kirkjuna um týnda og drukknaða sjómenn.

Í dag verður hádegissamveran í Glerárkirkju með öðru sniði en venjulega vegna útfarar. Kyrrðar- og fyrirbænastundin verður í kapellunni kl. 12, og að henni lokinni verður einungis boðið upp á kaffisopa í kennslustofunni. Við biðjumst velvirðingar á þeim óþægindum sem þetta hefur í för með sér.