Fréttir

Vegferð trúarinnar er yfirskrift fræðslukvölda sem nú standa yfir í Glerárkirkju. Miðvikudagskvöldið 8. febrúar flutti sr. Gunnlaugur Garðarsson, sóknarprestur í Glerárkirkju upphafserindi. Dagskráin heldur áfram á miðvikudagskvöldum út marsmánuð.Sjá nánar hér.

Samvera eldri borgara verður í safnaðarsal Glerárkirkju, fimmtudaginn 16. febrúar kl. 15:00. Þar mun Bjarni Guðleifsson, náttúrufræðingur á Möðruvöllum segja frá sr. Páli Jónssyni í Viðvík, presti á Myrká. Allir velkomnir, kaffiveitingar á vægu verði. Rúta frá Lindarsíðu kl. 14:45.

Messa kl. 11. Sr. Arna Ýrr Sigurðardóttir þjónar ásamt Ralf Dörr, djákna. Kór Glerárkirkju leiðir söng, Marína Ósk Þórólfsdóttir leikur á flautu. Erlendir gestir á vegum Evrópu unga fólksins taka þátt í messunni með lestrum og bænagjörð.  Sunnudagaskóli í safnaðarheimili kl. 11. Sameiginlegt upphaf í messu. Allir velkomnir. Kvöldguðsþjónusta kl. 20. Sr. Arna Ýrr Sigurðardóttir þjónar, Krossbandið leiðir söng. Að guðsþjónustu lokinni er kynningarfundur fyrir foreldra fermingarbarna í safnaðarheimili. 

Síðari kynningarfundur fyrir foreldra fermingarbarna er nk. sunnudag, 19. febrúar. Hann hefst strax að lokinni kvöldguðsþjónustu sem byrjar kl. 20. Þeir foreldrar fermingarbarna sem ekki komust á fyrri kynningarfundinn eru hvattir til að koma, umræðuefnið er fyrst og fremst tímasetningar og fyrirkomulag fermingarinnar og því mikilvægt að allir séu upplýstir. 

Aldrei áður hafa jafn margir haft kosningarétt við biskupskjör. Áhugavert er að rýna í hvernig atkvæði skiptast milli prófastsdæma, þó landið sé vissulega eitt kjördæmi. Í Eyjafjarðar- og Þingeyjarprófastsdæmi er hlutfall atkvæðamagns mjög svipað og hlutfall þjóðkirkjufólks sem býr á svæðinu, eða um það bil 11% á landsvísu. Lesa pistil á trú.is.

Katharina, Susi, Yvonne, Martin, Eva, Christina, Jule, Maike, Klaudia og Marta voru öll sjálfboðaliðar í hálft ár eða lengur í Glerárkirkju, á Krógabóli, Sunnubóli eða Síðuseli. Á árunum 2006 til 2011 komu þau frá heimili sínu erlendis og dvöldu með okkur. Fyrir það erum við þakklát. Nú eru þau aftur í heimsókn hjá okkur því við viljum leggja mat á verkefnið og gera gott æskulýðsstarf enn betra. Sunnudaginn 19. febrúar er sérstök kynningardagskrá:

Hér á vef Glerárkirkju má skoða nokkrar myndir frá æfingum Kórs Glerárkirkju, sunnudaginn 12. febrúar 2012. Skoða myndir.

Þessar vikurnar stendur Eyjafjarðar- og Þingeyjarprófastsdæmi ásamt Glerárkirkju fyrir samræðukvöldum um vegferð trúarinnar. Miðvikudagskvöldið 15. febrúar er fengist við hina guðlegu vídd tilverunnar. Innlegg og viðtal: Sr. Guðmundur Guðmundsson, héraðsprestur, hann ræðir við Katrínu Ásgrímsdóttur, framkvæmdastjóra Sólskóga.

Fimmtudaginn 9. febrúar kemur góður gestur í heimsókn á foreldramorgunn. Nanna Lind frá Amtsbókasafninu á Akureyri mun kynna í máli og myndum, nýstofnað Barnabókasetur sem staðsett er á Amtsbókasafninu.  Hér má finna umfjöllun um Barnabókasetrið

Í kvöld, miðvikudagskvöldið 8. febrúar hefjast umræðukvöldin sem verða í Glerárkirkju í alls átta miðvikudagskvöld í febrúar og mars. Því miður er Kristinn Ólason forfallaður, en sr. Gunnlaugur Garðarsson mun vera með opnunarerindi og sagt verður frá fyrirhugaðri dagskrá framundan. Sjá nánar hér á vefnum.