Solveig Lára sóknarprestur á Möðruvöllum kjörin vígslubiskup
20.06.2012
Í dag voru talin atkvæði í síðari umferð kosningar til embættis vígslubiskups á Hólum. Atkvæði féllu þannig að sr. Kristján Björnsson fékk 70 atkvæði og sr. Solveig Lára Guðmundsdóttir fékk 96 atkvæði. Alls voru 181 á kjörskrá, 174 greiddu atkvæði eða 96 %. Þrjú atkvæði voru auð og fimm ógild. Sr. Solveig verður vígð til vígslubiskups á Hólahátíð í haust.