Óskalagatónleikar í streymi

Fjórða sunnudag í aðventu ætlum við að koma okkur vel fyrir heima, við tölvuna, í símanum eða fyrir framan sjónvarpið og taka þátt í helgistund í formi óskalagatónleika frá Glerárkirkju. Við ítrekum að ekki er hægt að koma í kirkjuna til að fylgjast með tónleikunum, þeir verða sendir út í beinni á facebook síðu kirkjunnar.

Valmar Väljaots, Margrét Árnadóttir og Petra Björk Pálsdóttir sjá um tónlistina og taka á móti beiðnum um óskalög á meðan stundin stendur yfir.

Áður en stundin hefst birtum við lista af lögum sem hægt er að velja úr auk þess sem þið getið beðið um ykkar uppáhalds jólalag - ef tríóið okkar kann það fær það vonandi að hljóma.

Auk þess munum við segja frá Jólaaðstoðinni.
Þeim sem hafa áhuga á að styrkja Velferðarsjóðinn er bent á reikninginn 0302-13-175063, kt. 460577-0209. Við erum afar þakklát fyrir góðan stuðning sem gerir okkur kleift að styðja vel við þau heimili sem þurfa á aðstoð að halda fyrir jólin.