Maí mánuður í Glerárkirkju

Komandi vikur er helgihaldið létt og fallegt, með mikilli tónlist og dýrindis kaffiveitingum. Í maí verða kaffihúsamessur í safnaðarheimili Glerárkirkju á sunnudögum, auk þess sem messa uppstigningardags verður hér þetta árið, en hún flakkar á milli Akureyrarkirkju og Glerárkirkju.

Eydís djákni þjónar við fallega helgistund á mæðradaginn. Anna Skagjförð, Helga Hrönn Óladóttir og Birgir Björnsson syngja falleg lög við undirleik Risto Laur.

Hin árlega messa með Kór Eldriborgara, Í fínu formi, er á sínum stað og Kvenfélagið Baldursbrá er með kaffihlaðborð eftir messu. Hildur Björk prestur þjónar, Petra Björk Pálsdóttir leikur undir og stýrir kórnum.

Sindri prestur leiðir notalega stund þar sem tónlistin verður í höndum Ívars Helgasonar. Það verður mikið sungið og minna masað.

Hildur Björk prestur leiðir síðustu kaffihúsamessu vorsins. Mæðgurnar Margrét Árnadóttir og Erla Mist Magnúsdóttir sjá um tónlistina sem verður sumarleg og falleg.

Verið öll hjartanlega velkomin.