Fréttir

Í dag verður hádegissamveran í Glerárkirkju með öðru sniði en venjulega vegna útfarar. Kyrrðar- og fyrirbænastundin verður í kapellunni kl. 12, og að henni lokinni verður einungis boðið upp á kaffisopa í kennslustofunni. Við biðjumst velvirðingar á þeim óþægindum sem þetta hefur í för með sér.

Á prestastefnu sem lauk í gær kynnti biskup Íslands, Agnes M. Sigurðardóttir, landssöfnun þjóðkirkjunnar fyrir nýjum línuhraðli sem notaður er í meðferð krabbameinsveikra á Landspítala Háskólasjúkrahúsi.

Minnum á æfingar fyrir fermingarathafnir helgarinnar. Þau sem eiga að fermast laugardaginn 13. apríl eiga að mæta á æfingu föstudaginn. 12 apríl kl. 16. Þau sem eiga að fermast sunnudaginn 14. apríl eiga að mæta á æfingu föstudaginn 12. apríl kl. 17. Æfingin tekur u.þ.b. klukkustund og mikilvægt að öll fermingarbörn mæti.

Á morgun fimmtudaginn 11 apríl, verður samvera fyrir eldri borgara í Glerárkirkju. Gestur samverunnar verður Kristín Aðalsteinsdóttir, prófessor við Háskólann á Akureyri. Hún mun fjalla um endurminningar frá liðinni tíð og svo syngjum við inn vorið! Allir eru velkomnir. Rútuferð frá Lindarsíðu með viðkomu í Lögmannshlíð 14:45.

Þessi pistill birtist á vef sr. Sigríðar og síðan á tru.is, sem viðbrögð við umræðunni um atburðina á Húsavík þegar ungri stúlku var nauðgað þar árið 1999 og eftirmála þess. Eins og oft hittir sr. Sigríður naglann á höfuðið. Hún segir m.a:

Minnum á æfingar fyrir fermingarathafnir helgarinnar. Þau sem eiga að fermast laugardaginn 6. apríl eiga að mæta á æfingu fimmtudaginn 4. apríl kl. 16. Þau sem eiga að fermast sunnudaginn 7. apríl eiga að mæta á æfingu föstudaginn 5. apríl kl. 16. Æfingin tekur u.þ.b. klukkustund og mikilvægt að öll fermingarbörn mæti.

Þriðja hvert mannsbarn er kristinnar trúar, en trúin hefur flust suður á bóginn. Þetta er m.a. það sem má lesa í fróðlegri grein Kristeligt Dagblad.

Miðvikudagskvöldið 3. apríl mun sr. Vigfús Ingvar Ingvarsson, fv. sóknarprestur á Egilsstöðum flytja erindi sem nefnist ,,hinn boðandi söfnuður" en erindið er hluti af fræðslukvöldaröð prófastsdæmisins og Starfs- og leikmannaskóla kirkjunnar sem fer fram þessar vikurnar að frumkvæði Glerárkirkju. Dagskráin hefst kl. 20:00 með helgistund í umsjón sr. Gunnlaugs Garðarssonar sem einnig leiðir umræður að kaffihléi loknu.