Fréttir

Fermingarbörn úr Glerárkirkju munu ganga í hús í sókninni þriðjudaginn 2. nóv., miðvikudaginn 3. nóv. og fimmtudaginn 4. nóv., hvern dag frá 17:30 til 21:00. Sjá nánar í frétt á vef prófastsdæmisins.

Tónlist, söngur og sögur eru á dagskrá fjölskylduguðsþjónustunnar í Glerárkirkju 31. október kl. 11:00. Hópur nemenda úr Giljaskóla kemur í heimsókn og leikur á Marimba hljóðfæri.

Síðustu mánudagskvöld hafa staðið yfir umræðukvöld í Glerárkirkju þar sem framsögufólk hefur rætt stefnumál kirkjunnar. Að loknu hverju kvöldi hafa helstu atriði úr erindum kvöldsins verið tekin saman í stutt myndbönd og þau birt á netinu þeim sem ekki áttu heimangengt á viðkomandi kvöldum til fróðleiks.

Foreldrum barna í Barnakór Glerárkirkju er bent á að mánudaginn 24. október er engin æfing, en þann dag eru skólarnir í vetrarfríi. Hins vegar er mikilvægt að hafa í huga að kórinn kemur fram í fjölskylduguðsþjónustu 31. október næstkomandi og mikilvægt að öll börnin mæti þangað. Nánari upplýsingar gefur Hjördís Eva kórstjóri, hjordis@glerarkirkja.is 

Landsmót æskulýðsfélaga þjóðkirkjunnar hefur staðið yfir um helgina á Akureyri. Lesa má nánar um mótið á kirkjan.is: Vilja frelsa eitt þrælabarn fyrir hverja götu á Akureyri Hendur Guðs til góðra verka í heiminum - landsmótið sett Unglingar sem ætla að breyta heiminum - söfnun á Glerártorgi Félagar úr æskulýðsfélaginu Glerbrot voru að sjálfsögðu á staðnum ásamt leiðtogunum sínum, þeim Samúel Erni og Stefaníu Ósk. Mótinu lýkur í dag sunnudag með guðsþjónustu kl. 11:00 í Akureyrarkirkju.

Þessi vika er frábrugðin öðrum hvað fermingarfræðsluna í Glerárkirkju varðar en allir fræðsluhóparnir bregða undir sig betri fætinum og fara í dagsferð í Skagafjörð. Brottför er frá Glerárkirkju kl. 08:30. Ferðirnar eru sem hér segir: Mánudagur 18. október: Síðuskóli Fimmtudagur 21. október: Giljaskóli Föstudagur 22. október: Glerárskóli Nánari upplýsingar gefa prestar kirkjunnar, sr. Arna Ýrr Sigurðardóttir, s. 864 8456 og sr. Gunnlaugur Garðarsson, s. 864 8455.

,,Er við sjáum fréttirnar, af fátæklingum hér og þar. Finnum kannski til með þeim en gerum ekki neitt í því. Við ættum kannski að íhuga, að setja okkur í þeirra spor. Vera góð við náungann og hjálpa þeim sem eiga bágt." Þennan texta bjuggu nokkrir unglingar úr starfinu í Glerárkirkju til. Hann er okkur öllum þörf áminning, sjá nánar í pistli á trú.is.

Efstu mál á baugi hjá Lútherska heimssambandinu er yfirskrift á öðru umræðukvöldinu í Gleraárkirkju á mánudagskvöldi 18. október kl. 20.00. Magnea Sverrisdóttir, djákni í Hallgrímskirkju og fræðslufulltrúi á Biskupsstofu situr í stjórn Lútherska heimssambandsins. Í erindi sínu mun hún gera grein fyir helstu málum sem þar eru í umræðunni í dag. Sjá nánar á vef Eyjafjarðarprófastsdæmis.

Fræðslusvið Biskupsstofu gaf nýverið út rafbókina ,,Að gera og vera" sem er íslensk þýðing á skjalinu ,,To be and to do" sem Eurodiaconia gaf út fyrir nokkrum árum. Pétur Björgvin djákni í Glerárkirkju skrifar smápistil á trú.is í tilefni af útkomu bókarinnar.Lesa pistil á trú.is.

Í frétt ríkisútvarpsins 3. október s.l. var sagt að þjóðkirkjan og ýmsar stofnanir og sjóðir kirkjunnar fengju 4,4 milljarða frá ríkinu á næsta fjárlagafrumvarpi. Hér er ekki notað rétt orðalag. Á trú.is er að finna pistil Halldórs Gunnarssonar þar sem hann útskýrir þetta nánar.