Glerárkirkja

Velkomin á vef Glerárkirkju. Við, starfsfólkið í húsinu, reynum eftir því sem við höfum tök á að setja inn fréttir og fleira um viðburði og fasta dagskrárliði í kirkjunni. Það er alltaf eitthvað sem betur má fara og gleðjumst við yfir ábendingum á netfangið glerarkirkja@glerarkirkja.is. Umsjón með vefsíðunni hefur Sverrir Pálmason, s. 464 8803, en innihald einstakra undirsíðna og frétta er á ábyrgð hvers starfsmanns eftir starfssviði. Við bendum sérstaklega á dagatalið hér til vinstri á forsíðunni. Með því að smella á viðkomandi dag má lesa um þá viðburði sem eru auglýstir þann dag.

Sr. Arna Ýrr Sigurðardóttir þjónar, félagar úr Kór Glerárkirkju leiða almennan söng. Allir velkomnir. 

Krökkum úr fimmta, sjötta og sjöunda bekk stendur til boða að taka þátt í ttt-vinaklúbbnum alla miðvikudaga frá 16:00 til 17:30. Umsjón hafa Anna Dúa, Magnús, Andri, Ragnheiður og Stefanía Tara. Endilega látið sjá ykkur, það er velkomið að prufa. Þátttaka er ókeypis, nema þegar farið er í ferðalög, þá þarf að greiða smá þátttökugjald.
Lesa meira

Átt þú barn í fyrsta til fjórða bekk? Tekur það þátt í tómstundastarfi? Eða ertu að leita að stað þar sem barnið þitt getur notið sín, tekið þátt í leikjum, sungið og velt lífinu, tilverunni og Guði fyrir sér? Kynntu þér Kirkjuklúbbinn!
Lesa meira

Í tilefni af alþjóðlegri bænaviku kristinna kirkna er samkoma í kvöld (miðvikudagskvöldið 25. janúar) í Glerárkirkju. Samkoman hefst kl. 20:00. Þar mun Gospelkór Akureyrar syngja og leiða almennan söng undir stjórn Marínu Óskar Þórólfsdóttur og fulltrúar kristinna samfélaga á Akureyri lesa ritningarlestra og bænir. Sr. Arna Ýrr Sigurðardóttir, prestur í Glerárkirkju leiðir stundina.
Lesa meira

Hádegissamverur á miðvikudögum eru fastur liður í helgihaldinu í Glerárkirkju. Hvern miðvikudag klukkan tólf hittast 20 til 30 manns í kirkjunni til bænagjörðar og altarisgöngu. Allir eru hjartanlega velkomnir.
Lesa meira