Fermingarnámskeið á Löngumýri og Hólum í Hjaltadal

Hluti af fermingarfræðslunni er að taka þátt í dagsferð fermingarbarna á Löngumýri í Skagafjörð, með viðkomu á Hólum í Hjaltadal. Ferðirnar eru venjulega undir lok október. 

Lagt er af stað frá Glerárkirkju kl. 8:30 að morgni og komið aftur um kl. 20 að kvöldi. Kostnaði vegna ferðarinnar er haldið í lágmarki og er hún styrkt bæði af Lögmannshlíðarsókn og héraðssjóði prófastsdæmisins. Börnin greiða kl. 2000 hvert, fargjöld, fæði og námsgögn eru þar innifalin. Ath. að lítil sundlaug er á Löngumýri og börnunum því heimilt að taka sundföt og handklæði með. Einnig þurfa börnin að vera klædd til útiveru. Ekki er ætlast til að þau taki með sér pening eða sælgæti, og tekið er fram að engin ábyrgð er tekin á þeim tækjum eða öðru sem börnin hafa með sér, t.d. GSM símum, yfirhöfnum o.s.frv. 

Ekki þarf að tilkynna sérstaklega þátttöku í ferðalagið, en ef börnin forfallast, eða komast ekki af einhverjum orsökum viljum við fá að vita það. Á skárningarforminu var box til að merkja í sem gaf okkur starfsfólkinu í Glerárkirkju leyfi til að fá frí fyrir börnin úr skólanum þennan eina dag. Sumir létu hjá leggjast að merkja við í boxið, og verða þá viðkomandi annað hvort að fá leyfi sjálfir fyrir börnin sín úr skóla, eða hafa samband við sr. Stefaníu G. Steinsdóttur til að veita umboð. Best er að senda tölvupóst á stefaniu(hjá)glerarkirkja.is. 

Sr. Gunnlaugur Garðarsson, sr. Stefaníu G. Steinsdóttir, og Sunna Kristrún Gunnlaugsdóttir, djákni, hafa umsjón með ferðinni.