Yfir vetrarmánuðina er barnasamvera alla sunnudaga fyrir hádegi í kirkjunni. Sameiginlegt upphaf er í messu safnaðarins en undir sálminum fyrir prédikun fara börnin í safnaðarsalinn ásamt leiðtogum barnastarfsins. Þar er sungið, leikið, fylgst með brúðuleikriti, bænir fluttar og hlustað á fræðslu og hugleiðingar. Þá sunnudaga sem er ekki messa klukkan ellefu (athöfn seinna um daginn) er samt barnasamvera og þá alla jafna í kirkjunni sjálfri. Helgihald Glerárkirkju er auglýst í Dagskránni sem borin er í hvert hús á Akureyri á miðvikudögum og má nálgast þær auglýsingar á dagskrain.is.
Veturinn 2011 til 2012 koma eftirfarandi einstaklingar að sunnudagaskólastarfinu: Linda, Lena, Pétur, Kolbrá, Svava, Herdís, Ragnheiður, Dagný,
Stefanía Tara, Risto og Hermann.